📍(၁၀-၁၀-၂၀၂၅) ရက်နေ့တွင် ပြည်ထောင်စုသမ္မတ မြန်မာနိုင်ငံ ခရီးသွားလုပ်ငန်းရှင်များအသင်း (UMTA) ၏ လူ့စွမ်းအား အရင်းအမြစ် ဖွံ့ဖြိုးတိုးတက်ရေး ကော်မတီ (UMTA-HRD) မှ ဦးဆောင်၍ "Tour Operator and Travel Operation Management Program" သင်တန်း၏ Orientation အခမ်းအနားနှင့် ပထမဆုံး သင်ခန်းစာကို online မှတစ်ဆင့် အောင်မြင်စွာ ကျင်းပဖွင့်လှစ်နိုင်ခဲ့ပါသည်။
📍ဤသင်တန်းသည် မြန်မာနိုင်ငံ ခရီးသွားလုပ်ငန်း ကဏ္ဍ၏ အရည်အသွေးများ စဉ်ဆက်မပြတ် တိုးတက်စေရန် ရည်ရွယ်ပြီး ASEAN Common Competency Standards for Tourism Professional (ACCSTP) အပေါ် အခြေခံကာ The ASEAN Mutual Recognition Arrangement on Tourism Professionals (MRA-TP) Guideline နှင့်အညီ ရေးဆွဲထားခြင်း ဖြစ်ပါသည်။
📍သင်တန်းကို (၁၀-၁၀-၂၀၂၅) မှ (၁-၁၂-၂၀၂၅) ရက်နေ့အထိ အွန်လိုင်းမှ ဖွင့်လှစ်သင်ကြားပို့ချသွားမည် ဖြစ်ပြီး ခရီးသွားလုပ်ငန်းနယ်ပယ်အသီးသီးမှ သင်တန်းသူ/သင်တန်းသား ၈၆ ဦး တက်ရောက်လျက်ရှိပါသည်။ အခမ်းအနားသို့ ဟိုတယ်နှင့်ခရီးသွား ညွှန်ကြားမှုဦးစီးဌာန၊ ရန်ကုန်တိုင်းဒေသကြီး တာဝန်ခံ ညွှန်ကြားရေးမှူး ဦးနန္ဒအောင် နှင့် ပြည်ထောင်စု သမ္မတမြန်မာနိုင်ငံ ခရီးသွားလုပ်ငန်းရှင်များအသင်း နာယက ဒေါက်တာသက်လွင်တိုး တို့က အဖွင့်အမှာစကား ပြောကြားခဲ့ကြပါသည်။
📍ဆက်လက်၍ UMTA ဥက္ကဌ ဦးကျော်ဘုန်းနိုင် မှ သင်တန်းဖွင့်လှစ်ရခြင်း၏ ရည်ရွယ်ချက်များကို ရှင်းလင်းတင်ပြခဲ့ပြီး သင်တန်းနည်းပြများမှ မိတ်ဆက်စကား ပြောကြားခဲ့ကြပါသည်။ သင်တန်းသား/သူများအနေဖြင့်လည်း တစ်ဦးချင်းစီ မိတ်ဆက်စကားပြောကြားပြီးနောက် သင်ကြားခြင်းအစီအစဉ်အား စတင်ဆောင်ရွက်ခဲ့ကြပါသည်။
📍ယခု သင်တန်းအား အောင်မြင်စွာ စတင်ဖွင့်လှစ်နိုင်ခဲ့ခြင်းအတွက် သင်ကြားပေးမည့် ဆရာ/ဆရာမများ၊ တက်ရောက်သင်ယူကြသည့် သင်တန်းသား/သူများ၊ ကူညီဆောင်ရွက်ပေးခဲ့ကြသည့် အလုပ်အမှုဆောင် အဖွဲ့ဝင်များ၊ ကော်မတီဝင်များ၊ ရုံးအဖွဲ့ဝင်များနှင့် သင်တန်းကျင်းပမှု အောင်မြင်စေရန် ကူညီဆောင်ရွက်ပေးခဲ့သူများ အားလုံးကို UMTA မှ အထူးပင်ကျေးဇူးတင်ရှိပါသည်။ UMTA မှ ထပ်မံဖွင့်လှစ်မည့် သင်တန်းများတွင်လည်း ခရီးသွားလုပ်ငန်းဝန်ထမ်းများ၊ လုပ်ငန်းရှင်များ၊စိတ်ဝင်စားသူအားလုံး တက်ရောက်နိုင်ပါကြောင်း ဖိတ်ခေါ်အပ်ပါသည်။
No.(29), Room (802), 8th Floor, UMFCCI Building, Lanmadaw Township, Yangon, 11131 Myanmar.
Phone: (+951) 2302330, 2302331, 2314941
Fax: (+951) 2314945
Mobile: (+959) 2005648
